Edhe pse tash e një çerek shekulli në skenë, këngëtarja Adelina Ismaili mbetet emri i cili më së shumti intrigon publikun. Secila paraqitje, deklaratë, lëvizje e saj, është gjithmonë në qendër të vëmendjes. E kështu ndodhi edhe kësaj radhe kur në faqen e saj zyrtare në rrjetin social ‘Twitter’, pamë një mesazh që diva ia kishte dedikuar të fejuarit të saj, Valit

Vitet në skenë e risitë që ajo gjithmonë ka sjell në të, kanë bërë që sa herë përmendet emri i saj interesimi i publikut të ngritët. Shumë këngë hite, fitore, paraqitje e thashetheme bëjnë që emri i Adelina Ismailit të jetë i padiskutueshëm në skenën shqipfolëse.

E ndonëse edhe këtë sezon e vërtetoi pse ajo quhet divë me koncerte e mbrëmje muzikore të cilat ishin të shpeshta e përplot publik, Ismaili një vend të veçantë i lë edhe të fejuarit të saj Valit, i cili njëherësh është edhe menaxheri i saj. E si e sheh ajo lidhjen me Valin, ka shkruar vetë Adelina në faqen e saj zyrtare në rrjetin social ‘Twitter’.

“Gjithçka ka kuptim, asgjë nuk ka rëndësi, kur ti më bekon. Flm që je ky që je. Një jetë është pak”, ishte mbishkrimi i këngëtares seksi i cili padyshim që nuk ka ngelur pa u parë nga fansat e saj të shumtë të cilët e kanë pëlqyer e komentuar pozitivisht ndjenjën e saj. Ndryshe Adelina e Vali tash e sa kohë jetojnë bashkë në Zvicër, ndërsa vetë këngëtarja ka pohuar se ka në plan edhe të kenë fëmijë në të ardhmen.