Pesë persona janë arrestuar mëngjesin e së mërkurës në Mitrovicë, pasi për shkak të një mosmarrëveshje janë përleshur mes vete.

Sipas policisë, disa nga ta kanë ekspozuar armë.

“Rr. Azem Galica, Mitrovicë Jugu 06.03.2024, 09:30. Është raportuar se pas një mosmarrëveshje janë përleshur në mes vete, pesë të dyshuar meshkuj kosovarë, ku disa nga ta kanë ekspozuar armë”, thuhet në raportin policor.

Në vendin e ngjarjes bëhet e ditur se kanë dalë njësitet policore ku është gjetur një armë.

“Pesë të dyshuarit janë arrestuar, njëri nga ta ka kanosur  me vrasje njërin nga zyrtaret policor”, ka njoftuar policia.

Pas intervistimit me vendim të prokurorit, tre nga të dyshuarit janë liruar në procedurë të rregullt, ndërsa dy të tjerë janë dërguar në mbajtje.

Rasti është iniciuar si “Sulm ndaj personit zyrtar dhe armëmbajtje pa leje”.