Ardian Olluri i është bashkuar LDK-së, kështu ka bërë të ditur se Imri Ahmeti, Kryetar i Komunës së Lipjanit.

Postimi i plotë:

Me kënaqësi ju informojmë se sot na bashkohet në rrugëtimin tonë politik Ardian Olluri, një profesionist i përkushtuar me 10 vjet përvojë në fushën e drejtësisë dhe politikës.

Ardiani ka përfunduar studimet e tij në drejtësi dhe shkenca politike në Universitetin e Prishtinës dhe ka vijuar studimet master në të drejtën ndërkombëtare në Universitetin e Prishtinës, si dhe në të drejtën evropiane në Maastricht, Holandë.

Jemi të bindur se përvoja dhe përkushtimi i tij do të jenë një shtysë e fuqishme për realizimin e synimeve tona për një të ardhme më të mirë!