Forcat saudite të sigurisë e kanë kapur një rrjet të ISIS-it të enjten në mëngjes, në rrethinën e qytetit të shenjt të Mekës.

The Jerusalem Post shkruan se, sipas disa raporteve, policia në Arabinë Saudite, në bashkëpunim me forcat e sigurisë të Mbretërisë, kanë rrethuar Wadi Numan, një rrethin në Meka, ku një grup prej pesë luftëtarëve të ISIS-it kishin qenë duke u fshehur, transmeton Gazeta Express.

Forcat saudite të sigurisë kanë çuar helikopterë për t’i përkrahur forcat në tokë, duke u druajtur se terroristet, të cilët kishin refuzuar që t’iu dorëzoheshin policisë, do t’i gjuanin ata me bomba.

Sipas burimeve saudite, rrjeti i kapur kishte qenë duke përgatitur sulme kundër një baze të forcave emergjente, që ndodhet vetëm pesë kilometra larg vendit ku militantët e ISIS kishin qenë duke banuar./Gazeta Express/