Kryetari i Komunës së Lipjanit, Imri Ahmeti, së bashku me Kryesuesen e Kuvendit, Vlora Limani Hajnuni, sot në zyrën e tij ka pritur në një takim pune zëvendësministren e Zhvillimit Ekonomik, Besa Zogaj me bashkëpunëtorë.
Gjatë takimit u diskutuan zhvillimet aktuale në sektorin e zhvillimit ekonomik, e me theks të veçant u fol edhe për fillimin pilot projektit Gratë në punë online.
Besa Zogaj, ka falënderuar kryetarin Ahmeti, për pritjen, si dhe ka njoftuar atë se Ministria e Zhvillimit Ekonomik dhe Banka Botërore po punojnë për të përfshirë më shumë gra në ekonominë dixhitale. Në Pilot projektin WOW (Women in Online Work – Gratë në punë online.
Ky pilot projekt do të implementohet fillimisht në dy komuna, Lipjan – Gjakovë, cili ka për qëllim rritjen e pjesëmarrjes së grave, që jetojnë jashtë Prishtinës, në punët online të mundësuara nga teknologjia informative dhe komunikuese.
Kryetari, Ahmeti ka falenderuar musafirët dhe është shprehur i gatshëm për të bashkëpunuar.