21 nëntor 2014- Grupi Lokal i Veprimit (GVL) “ Agrolipjani” në Lipjan, sot ka mbajtur takimin punues konsultativ, lidhur me Strategjinë Zhvillimore Lokale 2015-2020, për zonën që përfshinë (GLV) “Agrolipjani”.
Nijazi Ibrahimi- kryetar i Grupit Lokal të Veprimit (GLV), tha se qëllimi i këtij projekti është të vazhdojë lidhjen me hartimin e strategjisë të zhvillimit ekonomik lokal 2015-2020, duke u mbështetur në përkrahjen e zhvillimit rural bujqësor në komunën e Lipjanit.
Po ashtu ai ka thënë se me anë të kësaj strategjie do të përkufizohet më saktë artikulimi dhe implementimi i projekteve që shkojnë në të mirë të qytetarëve të komunës së Lipjanit.
Ndryshe strategjia zhvillimore lokale është në procedurë të harmonizimit dhe të zbatimit të përbashkët me Ministrinë e Bujqësisë, Pylltarisë dhe Zhvillimit Rural- Agjencia për Zhvillimin e Bujqësisë, ndërsa po implementohet nga (GLV) “Agrolipjani” në Lipjan, njofton zyra për informim në Lipjan.
