Simon Crowcoft ka qenë për vizitë në Londër, kur ka hasur në një pamje jo të zakonshme.

Një kalë i Policisë, që kishte pëlhurën fluroshente në shpinë, ka dashur të hynte në një autobus urban, transmeton Telegrafi.

Mirëpo, kafsha që kishte futur kokën në makinën transportuese, është ndaluar nga një polic dhe është nxjerr përjashta.

“Londra është vend i mundësive, pse të mos udhëtojë edhe kali më autobus”, ka shkruar Crowcoft në Twitter, në përshkrimin e fotografisë.

Në anën tjetër, zyrtarë të Policisë kanë thënë se ishte një rast i parandaluar, derisa kalin e kanë konsideruar një shërbyes të tyre.