Dareen Cooper nga Southampton i Anglisë, ka qenë duke e xhiruar një objekt të paidentifikuar që është shfaqur në qiell, kur papritmas është afruar një helikopter misterioz.

Nuk dihet kujt i përket kjo fluturake, që nuk ka asnjë shenjë dalluese, derisa pjesa saj e pasme është më ndryshe nga të tjerat, transmeton Telegrafi.

Në videon e postuar më poshtë, mund të shihni se si helikopteri nxiton në drejtim të kësaj gjëje të pashpjegueshme, e cila pasi qëndroi për një kohë pezull u zhduk në drejtim të panjohur.

“Sapo e ndalova kamerën, pas dy minutave dola sërish në dritare për të filmuar edhe helikopterin. Ishte misterioz dhe i fuqishëm, ndërsa nuk lëshonte shumë zhurmë”, ka treguar Cooper.

Megjithatë, ai thotë se helikopteri mund të ketë qenë rastësi, ndërsa objekti që dukej si UFO një balon apo dron. /Telegrafi/