Përfaqësuesi special i BE’së në Kosovë, ka thënë se Bashkimi Europian i ka dhënë Kosovës gjithçka që i ka premtuar. Ai ka thënë se edhe vizat do t’i jepen Kosovës.

Këto deklarata Zbogar i ka bërë në emisionin “Zona e Debatit”, duke thënë se shumë njerëz nuk kanë besuar se Kosovës do t’i jepej edhe MSA’ja, por i është dhënë edhe ajo.

Gjithçka që i është premtuar Kosovës nga ana e Bashkimit Europian, Zbogar thotë se do t’i jepet.

“Besojmë që Kosova është duke ecur përpara dhe se BE është duke i dhënë Kosovës MSA’në. Ne do t’i japim edhe ato që akoma nuk i kemi dhënë. Besoj se do t’i japë edhe vizat. Ne mbështesim Kosovën me EULEX’in që është një investim 100 milionësh. BE është duke i dhënë Kosovës atë që ia ka premtuar”, ka thënë ai.

“Besoj që Kosova është duke bërë dialogun për të mirë të vetë Kosovës. Procesi i dialogut është i ndërlidhur me procesin e integrimit në BE. Mendoj se këtë do ta shohim në një pikëpamje që qeveria e ardhshme do të vazhdojë t’i zgjidhë të gjitha çështje”, ka thënë ai.