Janë zbuluar detaje shokuese në lidhje me problemin shëndetësor me të cilin kohë më parë u përballë këngëtarja Kesha. Ylli i muzikës ishte futur në klinikë rehabilitimi, për shkak të çrregullimit në të ngrënë.

Dhe tani është zbuluar se producenti i saj ishte aq këmbëngulës që ajo të humbte peshë, sa i ka thënë asaj që të bëj çfarëdo që të jetë e mundur që ta arrij këtë, duke përfshirë edhe përdorimin e drogës.

Ajo kishte luftuar anoreksinë dhe buliminë dhe e ëma e saj thotë se për këto probleme shëndetësore, fajin kryesor e mban producenti i saj Dr. Luke, por edhe një anëtar tjetër i ekipit të saj.

“Nuk ishte vetëm Luke. Ajo kishte edhe një këshilltar i cili ka thënë se kishte një takim me një studio incizimi dhe se ata kanë kërkuar që ajo të humbë 10 kilogramë për 30 ditë”, ka rrëfyer nëna e saj Sebert.

“Ai i ka thënë asaj se nuk i intereson nëse ajo nuk do të hajë asgjë, apo do të përdor drogë, por duhet të humbë gjithsesi peshë. Dhe jo vetëm vajza ime, por edhe koleget e saj janë dorëzuar para këtij presioni. Nga përdorimi i drogës, ajo ka vjellë vazhdimisht. Të shumtën e kohës ishte në banjë duke vjellë. Ajo lehtë ka mundur të ketë sulm në zemër apo në tru”, ka theksuar Sebert, duke thënë se vajza e saj ka arritur ta fsheh përdorimin e drogës nga ajo.