Një prej talentëve të mëdhenj të muzikës RnB në muzikën shqitpare, Soulkid, në një prononcim për Telegrafin ka paralajmëruar bashkëpunim me top producentët, Zzap n’Chriss.

Soulkid, i cili arriti një sukses të konsiderueshëm me këngën “Po m’Pëlqen” të lansuar kohë më parë, arriti që të depërtojë me sukses në skenën e muzikës shqiptare, si një prej artistëve të paktë që kanë mbetur të gjinisë mashkullore në zhanrin e muzikës RnB.

Soulkid, emri i vërtetë i të cilit është Uki Latifi, për Telegrafin u shpreh i kënaqur me këngën e fundit “Po m’Pëlqen”, teksa po ashtu paralajmëron projekt të ri.

“Në aspektin e promovimit ka mundur të bëhet më shumë. Gjithnjë ka hapësirë për përmirësime. Por, është një sukses mjaft i konsiderueshëm i atij projekti. Kam qenë tjetër para atij projekti, tjetër jam tash”.

“Ai projekt sigurisht se ka hapur në horizont edhe shumë mundësi të reja. Kështu, së shpejti do të publikojmë bashkpunimin me Zzap n’Chriss. Një këngë e bukur kjo, që do t’i paraprijë një tjetër projekti serioz. Të ndalem nuk e kam ndërmend”, u shpreh Soulkid.