Këngëtarja e popullarizuar, Jennifer Lopez, ka treguar se ka pasur një aksident trafiku, kur një vozitës i dehur e ka goditur automjetin e saj.

Këtë lajm, 45-vjeçarja e ka publikuar në Instagram së bashku me një fotografi për të treguar se nuk ka pësuar lëndime.

Ajo është shprehur mjaft e nevrikosur për shoferët e pakujdesshëm dhe njëherësh ka falënderuar Zotin që ka shpëtuar pa lëndime.

Së bashku me të në automjet ka qenë edhe shoqja e këngëtares, Leah Remini, ndërsa nuk dihet nëse fëmijët kanë qenë me të në momentin e aksidentit. /Telegrafi/