Në afatin e dytë të Provimit Shtetëror të Maturës 2014 rezultat pozitiv kanë treguar 9 mijë e 283 maturantë ose 42. 61 për qind e maturantëve që i janë nënshtruar Provimit të Maturës Shtetërore, bëhet e ditur nëpërmjet një njoftimi nga Komisioni Qendror Shtetëror i Maturës (KQSHM).

“Siç është pritur më të suksesshëm janë treguar maturantët e gjimnazeve prej të cilëve sukses pozitiv kanë arritur 13 mijë e 822 maturantë (93.6 për qind), kurse në arsimin profesional, sukses pozitiv kanë arritur 17 mijë e 329 maturantë (64.2 për qind)”, thuhet në njoftimin e KQSHM-së.

Rreth 21 mijë e 288 maturantë i janë nënshtruar Provimit Shtetëror të Maturës 2014 në afatin e dytë ndërsa numri i përgjithshëm i maturantëve që i janë nënshtruar provimit shtetëror në të dyja afatet është është 42 mijë e 52 nxënës, prej të cilëve rezultat pozitiv kanë arritur 31 mijë e 151 ose 72. 4 për qind e maturantëve.