Gjiganti suedez, Ikea, ka nisur një kampanjë për të cilën po flasin të gjithë. Bëhet fjalë për prezantimin e katalogut të vitit 2015. Por, ajo që i ka bërë njerëzit për vete, është mënyra se si e kanë bërë.
Ikea është një kompani e cila pothuajse nuk ka nevojë për reklamë, po kjo nuk i pengon ata që të krijojnë diçka të veçantë. Reklama e katalogut të ri ka entuziazmuar gjithkënd që e ka shikuar, transmeton Telegrafi.

Me pak fjalë, katalogun e tyre të ri e kanë përshkruar si të bëhej fjalë për një iPhone, por i cili vjen pa kabllo, me ekran që ndryshon dimensionet, fotografi HD, bateri të përjetshme etj.

A do t’i kundërpërgjigjet Apple kësaj tallje, mbetet për t’u parë.

Sidoqoftë, është e pamundur që kjo qasje e suedezëve të mos ju bëjë të qeshur. /Telegrafi/