Ofertuesi për Makpetrol fshihet në ishujt Karaibe. Gjurmët për firmën “Ballkan Petroleum” përfundojnë në Ishujt e virgjër britanik, në një firmë e cila është pjesë e dokumenteve të Panamasë, ka publikuar Telma, transmeton Telegrafi Maqedoni.

Sipas regjistrit qendror të Qipros pas tërë këtij operacioni qëndrojnë firmat „Dalia Global Corporation“ dhe “Vollandes assets corporation”.

Këto dy firma me investim prej nga 500 euro, më 17 maj në Limasol të Qipros e themelojnë firmën Davolia. Kompania e porsahapur për shumë të njëjtë prej 1000 euro, 11 ditë më vonë në Londër e themelon firmën “Ballkan Petroleum” e cila më 8 qershor shpall ofertë për marrjen e Makpetrol.

Këto firma nuk kanë adresa klasike por vetëm kuti postare të hapura në qytezën Road Town në Ishujt e virgjër.

“Dalia Global” dhe “Vollandes” janë emrat e dy firmave të mbyllura para 3-4 vitesh, por këtë vit janë shfaqur sërish në regjistrin qendror të Qipros.

Tani që të dyja qëndrojnë pas ofertuesit për Makpetrol.