E detyruar nga terreni malor, Zvicra ka ndërtuar rrjetin më të sofistikuar, por edhe më magjepsës të tuneleve dhe së shpejti do të ketë gati edhe tunelin më të gjatë në botë.

Bëhet fjalë për një tunel hekurudhor që lidh Altdorfin në veri me Biascan në jug të vendit.

I gjatë 57 kilometra, projekti për ndërtimin e këtij tuneli është bërë që në vitet e para pas Luftës së Dytë Botërore, madje për pak kohë edhe u punua në të. Por më vonë ideja u braktis për t’ju rikthyer asaj 17 vite më parë.

Në 17 vjet, janë zhvendosur 28.2 milionë tonë shkëmbinj dhe janë shpenzuar 12.2 miliardë franga zvicerane, transmeton tch.

Treni i parë do të kalojë më 1 qershor dhe do të jetë testim për sigurinë, që do të zgjasin deri në dhjetor, kur pritet edhe kalimi i trenit të parë me pasagjerë.