Mbi 250 ekspertëve të picave nga e gjithë bota, u janë dashur rreth gjashtë orë e 11 minuta të bëjnë një picë gjigante të gjatë 1.8 kilometra, dhe pasi është përfunduar është shtrirë përgjatë bregdetit të qytetit Napoli.

Në listën e recetës, thuhej se nevojiteshin 2.000 kilogramë miell, 1.600 kilogramë domate, 2.000 kilogramë mocarela, 200 litra vaj dhe 30 kilogramë borzilok, transmeton Telegrafi.

Pica gjigante Margarita, ka thyer rekordin e mëparshëm botëror të librit Ginis që ishte 1.595 metra, dhe që u përgatit gjatë panairit Expo Milan gjatë vitit të kaluar. /Telegrafi/