NISMA për Kosovën në Evropë thotë se ka shtrirë aktivitetin e saj politik e edhe në shtatë shtete të Evropës.

“Mbase zëri dhe koncepti i saj politik do të fuqizohet edhe në shtetet tjera. Pas një pune të palodhshme të përfaqësueseve të Nismës për Evropë, për zgjerimin dhe afrimin e shumë mërgimtarëve rreth Nismës, do të jetë një rezultati i frytshëm ku do të reflekton me mbajtjen e Kuvendit Zgjedhor dhe zgjedhjen e Kryesisë së saj, Nismës, për Evropë”, thuhet në njoftimin e kësaj partie.

“Koordinatori i Nismës për Evropë, Kadri Gërvalla i përgëzoi të gjithë aktivistët e Nismës, që për një kohë shumë të shkurtër arritën të organizohet, e të fuqizohet, madje edhe t’i shtrij rrënjët e saj si subjekt i ri politikë edhe në mesin e adhuruesve mërgimtar me qëllim që në mërgatë të jetë si alternativa e ndryshimit në interes të tyre dhe të Kosovës. Në këtë Kuvend do të jenë prezentë edhe strukturat e Kryesisë së Nismës nga Kosova, delegatë dhe shumë mysafirë të tjerë. Kuvendi do të mbahet në Gjermani, të shtunën e 7 majit”, thuhet më tej në njoftim.

Derisa po konstituon degët në Evropë, disa në Kosovë i janë ndarë. Kryesitë e degëve në Drenas, Ferizaj dhe Viti kanë dhënë dorëheqje nga kjo parti duke shprehur kështu kundërshtimin me koalicionin parazgjedhor me AAK-në e Ramush Haradinajt. Nisma këto i ka quajtur rirreshtime.