Prestigjozja londineze ”The Financial Times” në një shkrim me titull ”Femra luftëtare e qytetit të vogël e dridhi elitën maqedonase”, e ka përshkruar prokuroren speciale, Katica Janeva, si ”kamzhik për elitën e korruptuar maqedonase dhe ikonë e pazakontë e protestave gjatë kohës së krizës politike”, transmeton Telegrafi Maqedoni.

Sipas kësaj gazete, puna e Janevës është që t’i ndjek figurat e larta politike të akuzuar për vjedhje të zgjedhjeve dhe për shfrytëzim të shërbimeve të kundërzbulitimit për qëllime partiake politike, por që falja e kryetarit i lë anash hetimet.

The Financial Times citon një diplomat të huaj të ketë thënë se puna e Katica Janevës dhe PSP-së është bërë e rrezikshme, prandaj ka ardhur deri te falja e kryetarit Ivanov.

Më tej, gazeta thekson vështirësitë e prokurores Janeva për të siguruar dëshmitarët, të cilët frikësohen të bashkëpunojnë dhe se situatat bëhet edhe më e rëndë pas vdekjes së dëshmitarit Kosta Krpaç.