Në një shtëpi që ndodhet diku në Shtetet e Bashkuara, babai i ka kërkuar të birit, t’i vë dorezat e boksit, sepse duan të masin forcat.

Por më pas, babai i paemëruar ka filluar ta qëllojë të riun në fytyrë, ndërsa ia kujtonte ikjet që ka bërë nga shkolla, transmeton Telegrafi.

“Djaloshi im është larguar nga orët mësimore dhe ka ikur nga shkolla, pa më treguar mua. Sikur të mos e dinte, se unë do të jem në shtëpi dhe do ta pres këtu”, shpjegon babai në fillim të videos.

Më pas burri shihet duke e qëlluar rëndë 17-vjeçarin, në një proces për ta ‘disiplinuar’ për pa dëgjueshmëri.

Në fund, adoleshenti shihet i lënduar dhe i mbuluar në gjak, ndërsa qanë dhe kërkon falje, duke u betuar se më nuk do të ikë nga orët.