Organizata Joqeveritare YAHR e mbajti tryezën e rrumbullakët me temë: “Çka mundemi ne te bëjmë ne luftimin e Korrupsionin në nivel lokal” , ky aktivitet është në kuadër të projektit për luftimin e korrupsionit në nivel lokalë në dy komunat: Lipjan dhe Shtime të mbështetur nga Ambasada Amerikane në Prishtinë.
Pjesëmarrës në këtë tryezë ishin përfaqësuesit nga institucionet lokale dhe të subjekteve politike që veprojnë në Komunën e Lipjanit, por munguan përfaqësuesit e institucioneve lokale të Komunës së Shtimes, ndërsa nga subjektet opozitare të Komunës së Shtimes ishte përfaqësuesja e LDK-së.
Fillimisht Drejtor Ekzekutive Bekim Krasniqi e prezantojë platformën unike në Kosovë për denoncim të korrupsionit http://ndalokorrupsionin.org/ , pastaj e bëri prezentimin nëpër mes sllajdeve: “se çka është dhe si të luftohet korrupsioni!”. Debati ishte i frytshëm pati diskutime në mes përfaqësuesve të institucioneve lokale dhe të partive politike që veprojnë në dy komunat e lartcekura. Si përfundim u konkludua që duhet që të punohet më shumë në vetëdijesimin e qytetarëve që ta marrin guximin për denoncuar rastet korruptive të zyrtareve të ndryshme që punojnë në institucione të ndryshme në nivel lokale dhe atë qendror.