Kamerat e trafikut kanë marrë pamjet kur një gropë është shfaqur tek një rrugë në qytetin Hangzhou në Kinë.

Siç shkruajnë mediat e huaja, bëhet fjalë për një rrugë tepër të ngarkuar të këtij qyteti, transmeton Telegrafi.

Megjithatë, për fat të mirë të vozitësve, ka qenë një polic ai që e ka vërejtur se diçka nuk është në rregull me atë pjesë të rrugës, para se të hapej gropa.

Për këtë, ai fillimisht me anë të shenjave me duar kishte vendosur shenja me të cilat ndalohej ecja nëpër atë pjesë të rrugës.

Pas kësaj, ai bashkë me kolegët e tij kishin vendosur shenjat e nevojshme për të shmangur ecjen e veturave nëpër atë pjesë.

Kjo ka bërë që asnjë veturë të mos dëmtohet dhe asnjë pasagjer të mos pësojë ndonjë lëndim. /Telegrafi/