Shumica e ministrive në Maqedoni vazhdojnë të mos e përfillin gjuhën shqipe nëpër faqet e tyre të internetit, çka ua mohojnë të drejtët e informimit në gjuhën amtare shqiptarëve, transmeton Telegrafi Maqedoni.

Edhepse kjo çështje është ngritur disa herë, sërish nuk është bërë asgjë në këtë drejtim.

Të pyetur nga Alsat-M, qytetarët thonë se duhet të ketë barabartësi gjuhësore dhe se askujt nuk i pengon që një faqe interneti e ministrive të jetë edhe në gjuhën shqipe. Ata thonë se shteti është shumë-etnik, prandaj edhe duhet që informimet të bëhen edhe në gjuhën e etnive tjera.

As ministritë, e as qeveria nuk janë përgjigjur në lidhje me këtë çështje, ndërkaq vetëm Ministria e punës dhe politikës sociale është përgjigjur se së shpejti do të fillojnë procedurat e përditësimit të faqes së tyre zyrtare edhe në gjuhën shqipe dhe angleze./Telegrafi/