Forcat ushtarake britanike kanë shkatërruar me sukses një makinë bombë të ISIS-it, para se të shpërthente në ndonjë sulm të planifikuar terrorist.

Aeroplanët luftarak të tipit Tornado GR4, kishin për detyrë të ndjekin një kamion që po udhëtonte me shpejtësi të madhe, dhe që po transportonte eksploziv të përgatitur, që për destinacion kishte qytetin Mosul të Irakut, transmeton Telegrafi.

Pavarësisht faktit se kamioni po lëvizte me shpejtësi të madhe, ai u shkatërrua plotësisht me vetëm një raketë, pasi ishte futur në shënjestër nga aeroplanët britanikë.

Ministria e Mbrojtjes ka publikuar pamjet e misionit të suksesshëm në kanalin e tyre zyrtar në YouTube. /Telegrafi/