Sot është shënuar tre vjetori që kur kryeministrat e Kosovës dhe Serbisë kanë nënshkruar marrëveshje për normalizimin e marrëdhënieve në Bruksel.

Për të dy palët , marrëveshja ishte historike dhe u nënshkrua pas disa muajsh bisedime mes kryeministrit të Serbisë dhe Kosovës, Ivica Daçiq dhe Hashim Thaçit, me ndërmjetësimin e Përfaqësueses së Lartë të BE-së, Catherine Ashton, njofton Klan Kosova.

Këto ishin imazhet e 19 prillit të 2013, kur Hashim Thaçi, Ivica Daçiq, e Cathrine Ashton, vunë firmat mbi atë që njihet si marrëveshja e parë për normalizimin raportesh mes Kosovës dhe Serbisë pas luftës

Tre vjet më vonë, përfaqësuesi i Bashkimit Evropian për Kosovë, thotë se pa ujdinë e atëhershme, Kosova nuk do të ishte ajo që është sot.

Ndërsa një pjesmarrëse nga Beogradi, tha se dialogu i ndërmjetësuar nga europianët, nuk solli normalizim.

Ajo tha se sikur të pyetej ajo nuk do të kishte luftë as krime.

“Menjëherë do ta parnoja pavarësinë e Kosovës”, tha ajo