Familja e Halil Rrustemit nga Magurja, e cila ka jetuar në kushte të vështira, nga dita e sotme është bërë me shtëpi të re, e cila me ndihmën e Organizatës SAB, gratë shqiptare në Shtetin e Suedisë, në bashkëpunim me Komunën e Lipjanit, kanë ndërtuar shtëpi për këtë familje.
Me këtë rast, Kryetari i Komunës së Lipjanit Imri Ahmeti, ka falenderuar Organizatën SAB dhe në të njejtën kohë ka uruar familjen Rrustemi, duke theksuar se kjo është një punë e mirë që po bëjmë ne si shoqëri, ku po mundohemi ti ndihmojmë të gjitha ato familje që kanë nevojë, ne po ashtu do të angazhohemi që në vazhdimsi së bashku me donator të ndryshëm të gjejmë mundësi të reja për ndihmën edhe të familjeve të tjera në zgjedhjen e çështjes së banimit për familjet e pstreh e që nuk janë të pakta në Komunën e Lipjanit, ka thënë ndër të tjera kreu i Lipjanit.
Në të njejtën kohë, familja Rrustemi nga Magurja, ka falenderuar donatorët dhe Komunën e Lipjanit në krye me Kryetarin Ahmeti, për ndërtimin e shtëpisë së re dhe për përkrahjen e vazhdueshme që po bënë për familjet nevojtare.