Pas hetimeve të zhvilluara në lidhje me rastin më 25.03.2016 njësitë policore kanë identifikuar dhe arrestuar tre të dyshuar meshkuj K/Shqiptarë, pasi për të njëjtit ekziston dyshimi i bazuar se më datën e lartcekur nga një dyqan pronë e ankuesit mashkull K/Shqiptar kishin vjedhur pajisje të ndryshme elektronike. Gjatë kontrollit në veturën me të cilën ishin duke udhëtuar të dyshuarit janë gjetur dy lap-top të cilët dyshohet të jenë të vjedhur. Me vendim të prokurorit janë bastisur shtëpitë e të dyshuarve ku në cilësi të provave janë konfiskuar dy telefona mobil dhe një maskë e zezë. Të dyshuarit pas intervistimit në konsultim me prokurorin janë dërguar në mbajtje.