Instituti Kombëtar i Shëndetësisë Publike të Kosovës ka dalë me këshilla për sigurinë e ushqimit në këto ditë të nxehta të verës.

Në njoftimin e lëshuar thuhet se në ditët me temperatura të larta, është shumë e rëndësishme që të kujdeseni për sigurinë e ushqimit që e konsumoni.

“Përmes ruajtjes dhe përgatitjes adekuate të ushqimit, mund të parandalojmë rritjen e baktereve, ruajmë freskinë e ushqimit; shmangim helmimet përmes ushqimit dhe i ruajmë vlerat ushqyese të tij dhe mundësojmë të zgjatet afati i përdorimit të ushqimit”.

“Kujdesi për sigurinë e ushqimit gjatë verës nuk është vetëm një zakon i mirë, por një nevojë për shëndetin dhe mirëqenien tuaj”, thuhet në njoftimin e lëshuar.

Për më shumë informacione, ndiqni këshillat që janë në fotografinë si më poshtë, pesë çelësat për ushqim të sigurt, një udhëzues ky i Organizatës Botërore të Shëndetësisë për sigurinë e ushqimit që për qëllim ka parandalimin e sëmundjeve të shkaktuara nga ushqimet e kontaminuara.