Për sulmin fizik kundër gazetarit Valon Syla, ka reaguar edhe Qendra Europiane për Liri të Shtypit dhe Medias. 

Qendra Europiane për Liri të Shtypit dhe Medias e ka dënuar ashpër sulmin ndaj gazetarit Syla, i cili u sulmua fizikisht nga tre persona të panjohur duke i shkaktuar lëndime trupore.

Po ashtu kjo Qendër i bën thirrje autoriteteve në Kosovë që të zhvillojnë hetime në mënyrë të pavaruar e profesionale.

“I bëjmë thirrje autoritereve kosovare, që në mënyrë profesionale dhe të pavarur të zhvillojnë hetimet, në mënyrë që autorët të dalin para drejtësisë.”