Në Bejrut të Libanit, autoritetet e kanë mbyllur deponinë kryesore të mbeturinave, pa pasur alternativë tjetër, se ku duhet të hidhen plehrat.

Për këtë arsye, kompania që mbledhë mbeturinat, po i hedhë në lagjen Jdeideh, që ndodhet në qendër të kryeqytetit.

Hedhjet e mbeturinave që janë bërë për muaj me radhë, kanë bërë që të krijohet, ajo që qytetarët po e quajnë ‘lumë mbeturinash’.

Nuk dihet se çfarë do të bëhet me këto mbeturina, që kanë prishur pamjen e vendit, e në të njëjtën kohë edhe jetën e banorëve.

Ata duhet të jetojnë mes erës së ndytë, si dhe nga frika se mund të zënë ndonjë sëmundje, si pasojë e plehrave. /Telegrafi/