Organizata Joqeveritare YAHR vazhdon me fazën e dytë të realizimit të projektit të luftimit të korrupsionit në nivel lokale të përkrahur nga Ambasada Amerikane në Prishtinë. Pas përfundimit të fazës së parë të punës në vitin 2015, lidhur me çështjen e edukimit të rinjve mbi të këqijat e korrupsionit dhe mbi mënyrat e luftimit të korrupsionit në nivel lokale, gjatë këtij vitit 2016 do të fillohet me fazën e dytë të sensibilizimit të qytetarëve për denoncimin e korrupsionit në nivel lokale. Projekti do të përfshijë dy komunat qendrore të Kosovës, komunën e Lipjanit dhe atë të Shtimes. Po ashtu, këtyre ditëve pritet të nënshkruhen memorandume bashkëpunimi me Agjencinë Kundër korrupsion, Këshillin Gjyqësor të Kosovës , Prokurorin e Shtetit të Republikës së Kosovës dhe dy komunat të Shtimes dhe të Lipjanit, thuhet në njfotim.