Në këtë takim ishte i pranishëm Lideri i AAK-së z. Ramush Haradinaj me bashkëpunëtorë nga udhëheqësia qëndrore e Aleancës. Gjatë këtij takimi me karakter bashkëbiseduas u shpalos puna e AAK-së në nivel lokal dhe nivel qëndror.
Lideri i AAK-së z. Ramush Haradinaj, daklaroi se AAK po vazhdon fuqishëm fuqizimin e saj dhe thirrjen e njerëzve për t’u bashkuar vizionit të AAK-së dhe kauzës kundër Qeverisë Anti Kushtetuese. Njëherit z. Haradinaj falënderoi Kryetarin e Degës në Lipjan z. Fitim Selimi për punën e pa lodhshme dhe fuqizimin e vazhdueshëm të AAK-së në Lipjan duke e bërë AAK-në parti lidere. Ndërsa Kryetari i Degës së AAK-së në Lipjan z. Fitim Selimi tha se AAK-ja dhe anëtarësia e saj duhet të jenë krenarë me pozicionimin e liderit z.Haradinaj dhe të gjithë partisë krahas sfidave të rëndësishmë që po kalon vendi ynë. Në këtë takim bashkëbisedues para të pranishmëvë prezantuan edhe anëtarët e tjerë të Kryesisë qëndrore të AAK-së si dhe anëtarët e strukturave të Aleancës në Lipjan.
AAK Dega në Lipjan, falënderon të gjithë anëtarët e strukturave për praninë e tyre sot, duke e bërë këtë takim madhështor dhe kuptimplotë.
