Në Gujarat të Indisë, një grua ka rënë në bunarin e thellë dhjetë metra, teksa po përpiqej të bënte fotografi.

Turistja nga Australia, nuk e ka menduar si rrezik, qëndrimin në cep të bunarit, teksa po mundohej të bënte ‘selfie’ me hapësirën e bukur që e rrethonte, transmeton Telegrafi.

Asaj i kanë dalë në ndihmë, njerëzit që ndodheshin në afërsi, të cilët e kanë improvizuar një litar, me rrobat që i kanë hequr nga trupi.

Turistja është mbajtur për litarin që e tërhiqnin nga lartë, ndërsa ka ecur nëpër muret e bunarit.

Përpos lëndimit në këmbën e majtë, ajo nuk ka pësuar ndonjë lëndim tjetër. /Telegrafi/