Zëvendës Ministrja Shabani dhe Deputeti Arifi u njoftuan për aktivitetet që po I zhvillon Komuna e Lipjanit për realizimin e projekteve në të cilat do të ketë qasje edhe komuniteti RAE. Ata u njoftuan se në Magure dhe në Dobrajë janë në ndërtim e sipër Qendra Rinore dhe Salla Sportive të cilat do të jenë në dispozicion të të gjithë qytetarëve duke përfshi edhe komunitetin ashkali, ashtu siç janë Shtëpia e Kulturës dhe Qendra Sportive në Lipjan, në të cilat zhvillohen aktivitete sportive dhe kulturore.
Mundësitë buxhetore nga DKRS dhe nga ZKKK, për t’i përmbushur kërkesat sociale por edhe ato sportive janë të vogla, prandaj nënkryetarit Tasholli kërkoi nga Zv.Ministrja që të ndihmohen aktivitetet kulturore dhe sportive të këtij komuniteti nga Ministria që e mbulon në ndonjë projekt konkret në Janjevë apo në Gadime si vendbanime multienike.
