Mbrëmjen e djeshme ‘’Vëllai i Madh’’ i kërkoi banorëve të organizonin një dasëm tradicionale të Shqipërisë së Veriut.
Për ta bërë këtë ata do duhej të ndanin mes tyre rolet që do të kishin gjatë kësaj ceremonie.
Ndërsa sa i përket “çiftit” Beniada dhe Arditi pranuan të luanin rolet, të cilët kurorëzuan ‘’martesën’’ e tyre në praninë e “prindërve” dhe “dëshmitarëve”.
Mbrëmja u shoqërua me një atmosferë mjaft pozitive teksa banorët kënduan dhe kërcyen së bashku me njëri-tjetrin. I ftuari i mbrëmjes ishte dhe këngëtari i mirënjohur i muzikës popullore Bujar Qamili.
Kjo sfidë interesante mund të themi se përfundoi 100% me sukses pasi “dhëndri dhe nusja” surprizuan banorët dhe publikun me një puthje që i dhuruan njëri-tjetrit.
