YAHR: Subjektet Politike në Lipjan me një fushatë krejt ndryshe nga ajo e vitit 2017 në zgjedhjet lokale

Lipjan, 22 shtator 2021: Organizata e Shoqërisë Civile Youth Association for Human Rights – YAHR, është duke e monitoruar procesin zgjedhore të zgjedhjeve lokale 2021 në Komunën e Lipjan. YAHR që nga fillimi i fushatës me 15 shator 2021, është duke bërë monitorimin e aktiviteteve të subjekteve politike që veprojnë në Komunën e Lipjanit dhe gjatë kësaj periudhe monitoruese ka vërejtur dallime të mëdha në krahasim me fushatën e subjekteve politik gjatë vitit 2017 dhe 2021, ku viti 2017 karakterizohet me një fushat më shumë vizuele duke ndotur hapësira publike, siç ishin vendosja e posterave, bilbordeve dhe afishe të ndryshme të kandidatëve të subjekteve politike dhe shumë pak në atë kohë janë shfrytëzuar rrjetet sociale elektronike, ndërsa në javën e parë të fushatës të vitit 2021, nuk kemi asnjë bilbord apo poster që janë vendosur nëpër hapësira publike, me ndonjë përjashtim që janë vendosur vetëm nëpër selit e subjekteve politike. Andaj, organizata YAHR përgëzon subjektet politike për formën e organizmit të fushatës në javën e parë, ku më këto veprime do të kontribuonin në mbrojtjen e ambientit edhe nga ndotja e hapësirave publike dhe me këtë në kursimin e parasë.

Po ashtu YAHR inkurajon subjektet politike dhe kandidatet për kryetar të Komunës së Lipjanit që garojnë në zgjedhjet lokale 2021, që gjatë fushatës zgjedhore të përdorin më shumë rrjetet sociale elektronike dhe sa më pak të organizojnë takime me elektoratin e tyre për shkak të rrezikut që mund të kanoset nga infeksion me virusin COVID-19.