Policia Kosovës ka njoftuar se është arretuar i dyshuari kosovar për arsye se i njëjti ka tentuar të ikte nga zyrtarët policorë derisa po legjitimohej, transmeton LipjaniNews.

Raporti plotë nga Policia:

ARMËMBAJTJE PA LEJE

Rr. Lidhja e Prizrenit, Lipjan, 30.08.2021 – 18:10. Është arretuar i dyshuari kosovar për arsye se i njëjti ka tentuar të ikte nga zyrtarët policorë derisa po legjitimohej.

Njësia policore ka arritur ta ndalojë të dyshuarin dhe gjatë kontrollit atij i është gjetur një thikë dhe një boks hekuri.

Gjatë arrestimit një zyrtar policor ka pësuar lëndime trupore në gjunjë dhe i njëjti ka pranuar tretmanin e nevojshëm mjekësor.

Në konsultim me prokurorin i dyshuari pas intervistimit është liruar në procedurë të rregullt.