Pas takimeve të zhvilluara nga Kryetari Imri Ahmeti me përfaqësuesit e Agjencisë për Ndihmë Juridike që edhe qytetarëve të Komunës së Lipjanit t’u ofrohen shërbime juridike falas sot nënkryetari i Komunës së Lipjanit Fauz Xhemajli ka nënshkruar marrëveshje bashkëpunimi me drejtoreshën e kësaj Agjencie, Anita Alaj Kalanderi.

Nënkryetari Xhemjali, ka thënë se tani qytetarët e Lipjanit së shpejti do të kenë një adresë ku mund të marrin shërbime juridike falas për t’i shfrytëzuar të drejtat e tyre, njofton Komuna.

Këto shërbime do të ofrohen nga bashkëpunimi mes Komunës së Lipjanit Agjencisë për Ndihmë Juridike dhe GIZ-it gjerman si bashkëfinancues.