Wall Street Journal ka raportuar për blerjen më të fundit që Apple e ka bërë. Në fakt, thuhet se Apple e ka blerë kompaninë e specializuar në inteligjencë artificiale – Emotient (konfirmuar nga Apple).

Apple e ka blerë Emotient, një kompani e re që përdor teknologjinë e inteligjencës artificiale për të lexuar emocionet e njerëzve duke analizuar shprehjet e fytyrës.

Nuk është e qartë se çfarë Apple planifikon të bëjë me teknologjinë e Emotient, e cila kryesisht funksiononte për reklamuesit, për tu ndihmuar atyre të vlerësojnë reagimet e shikuesve në reklamat e tyre.

Mjekët gjithashtu e kanë testuar teknologjinë e kompanisë për të interpretuar shenjat e dhimbjes në mesin e pacientëve të paaftë për të shprehur veten, ndërsa një shitës me pakicë e ka përdorur teknologjinë e njëjtë për të monitoruar shprehjet e fytyrës së blerësve në dyqan.

Megjithatë, duke e ditur se Apple e ka bërë edhe blerjen e kompanive tjera në këtë fushë, përkatësisht Perceptio, VocallQ, dhe tani Emotient, do të jetë interesante të shihet se çka do të sjell kompania me iOS 10. (Telegrafi)