Një video me pamje tronditëse është shfaqur në Itali, ku dy djem shihen duke i ngjitur eksploziv në trup një pulëbardhe, të cilës pas disa sekondave ia ndezin dhe më pas e lëshojnë të fluturojë.

Pas disa sekondave heshtje por të buzëqeshur, djelmoshat presin më padurim momentin e shpërthimit të eksplozivit i cili hedh në ajër zogun e pafajshëm.

Një keqtrajtim i tillë, fatmirësisht nuk ka kaluar pa u ndëshkuar, dhe kështu këta dy djem për shkak të gjestit të pamatur kanë përfunduar në burg, transmeton Telegrafi.

Policia italiane e kishte parë këtë video në Facebook, pasi një numër i madh i njerëzve e kishin shpërndarë këtë video me qëllim që autorët e pashpirt të dënohen. /Telegrafi/