Nënkryetari i Komunës së Lipjanit, Fitim Selimi, pas përkeqësimit të situatës, për shkak të reshurave të fundit, krijoi : Grupin Komunal për ngritjen e shkallës pergjegjës emergjente për parandalimin dhe sanimin e pasojave nga vershimet

Në kuadër të këtij grupi janë angazhuar kompetentet nga te gjitha Drejtoratet dhe subjektet tjera përgjegjese, për aspektet e veçanta të perkujdesjes, përfshire edhe perfaqesuesit e Policisë së Kosovës Stacioni në Lipjan.
Gjatë tërë ditës është bërë përcjellja dhe identifikimi i pikave të cilat e përbëjnë rrezikshmëinë e normalitetit për qytetarët e Komunës së Lipjanit.
Duke e pasur parasysh që këto momente paraqesin kulmin e çrregullimeve të kesaj natyre, është bërë identifikimi i pikave me nevojë për:
1. Intervenim emergjent
2. Planifikim në kuadër të verpimeve të rregullta afatmesme si dhe
3. Planifikimet në kuadër të projekteve strategjike të subjekteve përkatëse për çështjet e veçanta.
Ëshë intervenua në Babush të Muhaxherëve, në Torinë, Poturovc, Zllakuqan dhe Banulleë si dhe në disa lokalitete tjera.
Në përputhje me gjendjen në terren, me rekoamndim të Drejtoratit të Shendetësisë, apelohet të të gjithë qytetarët e Komunës së Lipjanit që të kenë kujdes gjatë konsumimit te ujit te pijshëm, për shkak se vershimet kanë shkaktuar një shkallë të ndotjes së ujrave, që do të mund të cenonte shendetin e qytetarëve. Rekomandohet që të vlohet uji para konsumimit.
Grupi në fjalë është në veprim të vazhdueshëm, që në kuadër të pikës që ka të bëjë me nevojat emergjente, të realizoje edhe vepriemet përkatese.