Lëvizja Vetëvendosje, qendra në Lipjan ka vazhduar tubimet mobilizuese nëpër fshatrat e Lipjanit. Në thirrje të qytetarëve që të dalin sa më masovikisht në protestën e 9 janarit për të kërkuar rënien e qeverisë, Vetëvendosje po vazhdon tubimet mobilizuese gjithandej. Në një tubim në fshatin Sllovi, ku morri pjesë deputeti Rexhep Selimi, u diskutua për domosdoshmërinë e rënies së Qeverisë pas publikimit nga Gjykata Kushtetuese të shkeljes së Kushtetutës nga Qeveria e Kosovës, thuhet ne komunikatë.