Kryetari i Komunës së Lipjanit, Imri Ahmeti, të enjtën ka pritur, përfaqësesit e DEMOS-it, të kryesuar nga Norbert Pijls, së bashku me një delegacion nga Shteti i Gjeorgjisë dhe ai Armenisë.
Në këtë rast, kryetari Imri Ahmeti, i ka njoftuar mysafirët për zhvillimet aktuale në Komunën e Lipjanit, me theks të veçantë në ndërtimin dhe rregullimin e hapësirave publike si dhe Planin Model të Komunës së Lipjanit për mirëmbajtjen investive të hapësirave publike.
Ndërsa Musafirët u shprehen tejet të kënaqur me mirëpritjen nga ana e kryetarit Imri Ahmeti, si dhe me të arriturat e komunës së Lipjanit sidomos në fushën e rregullimit të hapësirave publike, projekt i cili është në përfundim të realizimit.
Ndërsa, Norbert Pijls nga DEMOS-i, është shprehur i gatshëm për bashkëpunim të ngushtë dhe në të ardhmen me Komunën e Lipjanit.