Në Klinikën Infektive të Qendrës Klinike Universitare të Kosovës, sot janë të shtrirë 111 raste me COVID-19.

Përmes një njoftimi, QKUK ka bërë të ditur gjendjen shëndetësore të 111 pacientëve të hospitalizuar në Klinikën Infektive, 9 në atë të Pulmologjisë dhe 22 në objektin e Mjekësisë Sportive.

Nga 111 rastet në Infektivë, 66 raste janë duke u trajtuar në reparte me oksigjenoterapi dhe përkujdesje intensive.

“Në repartin e Mjekimit Intensiv të kësaj klinike janë duke u trajtuar 6 raste, 2 raste janë në gjendje të rëndë duke u trajtuar me oksigjenoterapi dhe përkujdesje intensive, si dhe 4 raste janë në gjendje kritike me frymëmarrje të asistuar me respiratorë”, thuhet në njoftim, transmeton Zeri.info.

Po ashtu bëhet e ditur se në objektin e Mjekësisë Sportive, njësinë intensive, janë të shtrirë 5 pacientë, njëri nga ta i intubuar dhe 4 të tjerë më CPAP, ndërsa në klinikën e Pulmologjisë janë të shtrirë 22 raste me COVID-19 pozitiv të cilët janë duke u trajtuar me oksigjenoterapi.