E mbylli mikrofonin pa e përfunduar fjalinë, por mimika e tradhtoi kryekuvendarin, Kadri Veseli, kur iu drejtua deputetes së Lëvizjes Vetëvendosje, Albulena Haxhiu, e cila paraprakisht e quajti kriminel.

Për këtë Veseli kërkoi falje menjëherë, përmes Facebookut, duke thënë se pendohej për fjalorin që i rrëshqiti si pasojë e lodhjes.

Por pavarësisht situatës, analisti kosovar, Halil Matoshi, nuk po e arsyeton këtë gjuhë të Veselit, për të cilën tha se është skandaloze, njofton Klan Kosova.

Megjithatë, Matoshi thotë se ofendimet e fyerjet mes politikanëve nuk janë diçka e re pasi që “kjo gjuhë kishte filluar qysh me shkatrrimin e asaj që quhej VLAN, dhe formimin e koalicionit qeverisës”.

Kurse për Shefin e Grupit Parlamentar të Vetëvendosjes, Glauk Konjufca, fjalori i Veselit e zhveshi atë nga aktrimi i tij i përditshëm.

Konjufca thotë se tash Veselit i mbetet të bëjë vetëm një gjë, e ajo është të japë dorëheqje.

Kronikë nga Lirim Mehmetaj.