Exynos 7420 është procesori më i mirë për momentin, i cili është i instaluar në pajisjet e reja të Samsung, si Galaxy S6 dhe Note 5.

Në ndërkohë, kompania Qualcomm është duke zhvilluar procesorin e ri, Snapdragon 820, i cili sipas një raporti të fundit nga Gforgames, thuhet se do të jetë 50 për qind më i shpejtë se 7420.

Analisti Pan Jiutang ka thënë se procesori i Qualcomm – Snapdragon 820 është një përmirësim i vërejtshëm nga paraardhësi 810, i kompanisë tashmë të famshme Qualcomm.

Në anën tjetër, spekulimet nëpër blogjet teknologjike sugjerojnë se Samsung poashtu është duke punuar në ndërtimin e dy procesorëve të rinj të koduar me emrat Samsung 8990 dhe Samsung M1. (Telegrafi)