Kryesuesi i delegacionit për kartonin e gjelbër, Rrahim Pacolli, përmes një postimi në Facebook ka bërë të ditur se para dy ditësh koordinatori i Byrosë Kosovare të Sigurimit në pikën kufitare në Jarinjë, Milan Iliq, dhe një operator shqiptar janë ndaluar nga Policia e Kosovës në pjesën veriore të vendit.
Iliq është arrestuar pa ndonjë arsye dhe është rrahur më pas në mënyrë brutale për bashkëpunim më shqiptar, transmeton “Zëri”.
Postimi i plotë i tij:
“Koordinatori i Byrosë Kosovare të Sigurimit në pikën kufitare në Jarinjë, Milan Iliq, dhe një operator shqiptar, më 20 tetor 2015 janë ndaluar nga Policia e Kosovës në pjesën veriore të vendit, në magjistralen Mitrovicë-Jarinjë.
Koordinatori i kësaj pike kufitare, pasi që është kontrolluar, është arrestuar dhe burgosur pa ndonjë arsye specifike, madje në burg Milan Iliq është rrahur në mënyre brutale duke u akuzuar edhe per bashkëpunimin me shqiptar. I njejti tani është duke u trajtuar në spital.
Edhe operatori shqiptar është mbajtur mbi 4 orë në rrugë në veturën e tij.
I bëj thirrje Prokurorisë që të merr masa ndaj këtyre policëve që duke bartur uniformen e Policisë së Kosovës po punojnë për interesa të Serbisë”. /Telegrafi/
