Muhammedi Emvazi (27), i njohur më mirë si Xhihadisti John – xhihadisti më brutal i Shtetit Islamik – është gjithashtu edhe më i kërkuari.

Një shpërblim për gjetjen e tij, të gjallë apo të vdekur e ka ofruar David Cameron, transmeton Telegrafi. Gjetja e tij, tanimë është bërë edhe prioritet i presidentit rus, Vladimir Putin.

Rusia së fundmi ka intensifikuar sulmet mbi Sirinë në 24 orët e fundit, kur ata bombarduan 49 objektiva të ISIS.

Gjatë gjithë kohës, Amerika dhe Britania vazhdojnë të kritikojnë Putinin, për shkak se ata janë të bindur se qëllimi i sulmeve ajrore ruse në Siri është mbështetja e regjimit të presidentit Bashar al-Assad. /Telegrafi/