Jakup Krasniqi u ka shprehur urimet e tija për UNESCO dhe “ngushëllimet” për shkarkimin e rektorit Zejnullahu.

“Urime pranimi në UNESCO! Janë vlerat tona kulturore, toleranca dhe vendosmëria për të mbrojtur vlerat e trashëgimisë kulturore, ato që t’i hapen rrugët e pranimit në UNESKO”, ka shkruar Krasniqi në Facebook.

“Të nderuar qytetarë arsimdashës, ngushëllime për Universitetin “Hasan Prishtina” të Prishtinës!

Universitetin duhet ta mbrojnë arsimdashësit, studentet, ata që kanë synim mësimin dhe studimin dhe jo shkatërrimin e asaj që e krijuan brezat edhe duke u djegur për se gjalli për gjuhën, abetaren dhe shkollën”, ka shkruar Krasniqi.