Napoli është i vetëdijshëm se shpresat e tij për të kaluar në çerekfinale të Ligës së Kampionëve varen kryekëput nga aftësitë e skuadrës për ta ndalur Lionel Messin.

Superylli argjentinas e rigjeti formën para portës, pas një mungese golash në katër ndeshjet e fundit, duke i shënuar plot katër copa në triumfin e Barcelonës kundër Eibarit të shtunën, transmeton Gazeta Express.

Prandaj, trajneri i Napolit, Gennaro Gattuso, është duke i vlerësuar planet taktike për ta krijuar një “kafaz” për ta kurthuar gjashtë herë fituesin e Topit të Artë.

Gattuso, i cili e zëvendësoi Carlo Ancelottin në dhjetor, ka pak gjasa të arrijë shumë në Serie A duke qenë se skuadra e tij renditet në vendin e gjashtë me vetëm 36 pikë.